香港司儀網

已經相識April 和 Shinji都有幾年，非常同意佢哋婚禮上牧師話佢哋都係「非常有性格的新人」，所以亦都搵咗MC Kevin呢個咁有性格的晚宴司儀。

今次一對新人係銅鑼灣香港遊艇會筵開九圍，祝佢哋長長久久，當中請嚟最熟絡的親戚朋友。貌似小小的晚宴，新人其實係非常用心。唔單止搵咗band有live music，仲為咗照顧唔同賓客的口味，俾賓客揀main course，新娘仲親手整咗格仔比賓客，示意所揀的菜式，方便上菜。

作為MC，我除咗帶動氣氛，當然都會想物盡其用，唔好浪費新娘子的心意。在新郎新娘入場之前，我邀請拿著「A卡」和「B卡」的賓客分別先後講3次「劉生」「劉太」呢兩組字，祝一對新人三年抱兩，再加上熱烈的掌聲，去歡迎一對新人入場。

除咗一般祝酒切餅致謝，當然唔少得玩遊戲同來賓互動下，特別係好多來賓都係年輕人，當然想互動一下。今次我哋玩「愛的接龍」，每台不單止要講祝福說話，仲要講返之前對上的所有祝福，將呢啲祝福送畀新人。（好多人都出貓寫低晒，但MC無話過唔可以出貓呀！）

當晚新郎Shinji仲預備咗神祕環節，即席唱歌俾新娘聽，真係冧爆！