香港司儀網

KitSum同聰係九龍塘八月花筵開18圍，一對新人預備了非常有意義的回禮禮物，將回禮捐贈到世界宣明會，做幫助社會同有意義的事。

今次的挑戰亦不少，我除了擔任司儀，亦擔起晚宴統籌的角色，同場地職員、工作人員及各單位聯繫。由於場地所限，係開席前我哋要收起台前的地氈、麻雀枱同reception，先可以擺足咁多圍。所以事前同新人開會已經提醒要更早收麻雀枱，台前影相亦要準時完成。當日，我同奶奶、外母同八月花經理緊密合作，斟茶提早完成，有足夠時間俾新人同各位來賓合照，我亦提醒經理逐步收起該收起的，set up好其餘的擺位，準時開席。同時，超sweet的新娘了為咗氹一班小朋友，仲拋花球俾佢哋，場面非常溫馨歡樂。

今次的遊戲環節《幸福金曲》亦超有氣氛，大家發揮小宇宙，將心意滿滿地送給新人。初頭諗住叫每台串流唱一句，因為擔心有啲來賓會抗拒，點知大家都經High，唔少枱都問可唔可以唱成首，有啲仲全枱起身唱，有流行曲，亦有粵語金曲。當中最感動的一定係新娘子嘅細佬帶頭唱俾家姐聽，新娘子都即刻攞個電話錄低佢。

祝KitSum & Chung將這份簡單的快樂延續，白頭到老，永結同心。